Në Përgjithësi
Procesi i Stabilizim Asociimit (pSA), është korniza e politikave të BE-së për vendet e Ballkanit Perëndimor, deri në pranimin e tyre eventual.

PSA ndjek tri synime: Stabilizim dhe tranzicion të shpejt në ekonomi të tregut; promovimi i kooperimit regjional; dhe perspektiva e pranimit në BE. Kjo i ndihmon vendeve të regjionit t’i ngritin kapacitetet e tyre për të adaptuar dhe zbatuar standardet evropiane, përfshirë acquis communautaire, si dhe standardet ndërkombëtare.

PAS bazohet ne partneritetin progresiv, në të cilin BE-ja ofron një përzierje të koncesioneve të tregut, asistencë ekonomike dhe financiare si dhe marrëdhënie kontraktuale (marrëveshje të stabilizim asociimit). Secili vend ec përpara në bazat e plotësimit të përkushtimeve në kornizën e pSA. Raportet vjetore të progresit përmbledhin gatishmërinë e vendeve të Ballkanit Perëndimorë për afrimin e tyre me BE-në.

Duke ndjekur Qasjen Regjionale të BE-së për Ballkanin Perëndimorë të vitit 1997, Komisioni Evropian në vitin 1999 ka vendosur një racionale për të lëvizur drejt një vizioni më ambicioz për zhvillimin e rajonit-pSA. Instrumentet e tija, janë formuluar në samitin e Zagrebit në Nëntor të vitit 2000. Samiti i Selanikut në Qershor 2003 ka pasuruar pSA me elemente të inspiruar nga procesi i zgjerimit ashtu që të mund t’i përballojë më mirë sfidat e reja. Agjenda e Selanikut parashtroi një varg të instrumenteve të reja për përkrahjen e procesit të reformave në vendet e Ballkanit Perëndimorë dhe afrimin e tyre me BE-në. Instrumenti me ndikim më të madh nga të gjitha këto instrumente të reja është Partneriteti Evropian, i inspiruar nga Partneriteti për pranim në BE. Pjesa e parë e partneriteteve Evropiane është miratuar në vitin 2004. Duke identifikuar prioritetet afatshkurta dhe afatmesme të cilat duhet t’i adresojnë vendet, partneritetet evropiane do t’i ndihmojnë vendet e Ballkanit Perëndimorë me reformat dhe përgatitjet e tyre për anëtarësim në të ardhmen.

Të gjitha vendet e Ballkanit Perëndimorë kanë perspektivë në të ardhmen anëtarësimin në BE, objektivë kjo e miratuar nga Këshilli i Evropës në Feira në qershor të vitit 2000 dhe e konfirmuar nga Këshilli i Evropës në Selanik në Qershor të vitit 2003. Këshilli Evropian ka rikonfirmuar këto përkushtime ekzistuese, në qershor të vitit 2005.

Kroacia dhe dhe ish-Republika Jugosllave e Maqedonisë të cilave u është dhënë statusi i vendeve kandidate, mbesin pjesë e pSA.

Vendet tjera të Ballkanit Perëndimorë janë kandidate potenciale:Shqipëria, Bosnja dhe Hercegovina, Mali i Zi, Serbia dhe Kosova (nën Rezolutën e Këshillit të Sigurimit të Kombeve të Bashkuara 1244).

Në janar të vitit 2006, Komisioni Evropian adaptoi një komunikatë mbi “ Ballkani Perëndimorë në rrugë drejt BE-së: konsolidimi i stabilitetit dhe ngritja e prosperitetit”. Komunikata vlerësonte progresin e arritur që nga samiti i Selanikut dhe masave konkrete të parashtruara për zbatimin e Politikës së BE-së për Ballkanin Perëndimorë dhe instrumenteve të saja.


Në mars të vitit 2008 komunikata mbi Ballkanin Perëndimorë, Përmirësimi i Perspektivës Evropiane, komisioni adoptoi iniciativa ekzistuese me përmirësime të reja për përkrahjen e zhvillimit ekonomik dhe politik në Ballkanin Perëndimorë, me këtë edhe përshpejtimin e progresit të tyre në rrugën drejt anëtarësimit në BE.

Procesi i Stabilizim Asociimit

<< prapa