Republika e Shqipërisë, Bosnja dhe Hercegovina, Republika e Kroacisë, Republika e Maqedonisë, Republika e Moldavisë, Republika e Mali të Zi, Republika e Serbisë dhe Administrata e Përkohshme e Kombeve të Bashkuara në Kosovë (në emër të Kosovës, në pajtueshmëri me Rezolutën 1244 të Këshillit të Sigurimit të Kombeve të Bashkuara), kanë themeluar Marrëveshjen për Tregti të Lirë në Evropën Qendrore (CEFTA), në pajtueshmëri me rregullat dhe procedurat relevante të OBT-së. Zona e tregtisë së lirë, është krijuar për një periudhë kalimtare që përfundon më së voni me 31 dhjetor 2010. 

Objektivat e Marrëveshjes CEFTA janë të:

1. Konsolidimi në një marrëveshje të vetme në nivelin ekzistues të liberalizimit të tregut, që është arritur nëpërmjet të marrëveshjeve bilaterale të tregtisë së lirë, që tashmë arritur në mes të Palëve;

2. Përmirësimi i kushteve që të promovohen investimet, përfshirë investimet e drejt për drejta nga jashtë;

3. Zgjerimi i tregtisë në mallra dhe shërbime, dhe përkujdesja për investimet me anë të rregullave të drejta, të qarta, stabile dhe të parashikueshme;

4. Eliminimi i barrierave dhe shtrembërimeve e tregtisë, dhe lehtësimi i lëvizjes së mallit në tranzit dhe lëvizja ndërkufitare e mallit dhe shërbimeve në mes të territoreve të Palëve;

5. Ofrimi i kushteve të drejta të konkurrencës që ndikojnë në tregtinë dhe investimet e jashtme dhe gradualisht të hapen tregjet e blerjes të qeverisë së Palëve;

6. Ofrimi i mbrojtjes adekuat të të drejtave të pronës intelektuale në pajtueshmëri me standardet ndërkombëtare;

7. Ofrim i procedurave efektive për zbatimin dhe aplikimin e Marrëveshjes CEFTA; dhe

8. Kështu t’i kontribuohet zhvillimit të harmonishëm dhe zgjerimit të tregtisë botërore

Në shtojcë janë detajet më të hollësishme për CEFTA-në..   Aneksi 1   Aneksi 2 

Në gusht të vitit 2008, janë formuar tri Nën-grupe të punës për të përmirësuar koordinimin e Kosovës në zbatimin e CEFTA-së. Këto grupe përfshijnë bujqësinë, tarifat dhe barrierat tregtare, dhe veprimet e doganës. Tri grupet e reja të punës, plotësojnë Grupin e Punës për Politikat Tregtare në Kosovë, i cili është formuar në vitin 2006